Hvernig verða Svartar fjaðrir til?

11. maí 2015 15:45

Svartar fjaðrir er opnunarsviðsverk Listahátíðar í Reykjavík, sem fer fram dagana 13.maí - 7.júní.

Sigríður Soffía Níelsdóttir er höfundur verksins sem er leik-og danssýning byggt á ljóðum eins ástsælasta skálds Íslands, Davíðs Stefánssonar. Sigríður hefur fengið til liðs við sig úrvals dansara og leikara til að glæða myndlíkingum úr ljóðum Davíðs lífi á sviðinu með leik, dans, söng og upplestri.

Leikendur eru meðal annarra Atli Rafn Sigurðsson, Dóra Jóhannsdóttir, Saga Garðarsdóttir og Ingvar E. Sigurðsson. Búningar eru í höndunum á Hildi Yeoman og um tónlistina sjá Jónas Sen og Valdimar Jóhannsson. Verkið er frumsýnt á miðvikudaginn, 13.maí, í Þjóðleikhúsinu klukkan 19.30. Hér má nálgast miða.

Glamour fékk að deila þessum myndböndum þar sem skyggnst er bakvið tjöldin hjá Siggu Soffíu og teyminu að baki Svörtum fjöðrum.