Kynlífsdagbók Jóns Gests og Natalíu

Sigga Dögg kynfræðingur heldur úti kynlífskafla Glamour.

„Natalía Ósk og Jón Gestur hafa verið saman í níu ár, þar af verið gift í sex ár. Þau eiga þrjú börn og eru að mörgu leyti hin hefðbundna íslenska vísitölufjölskylda. Eins og hjá svo mörgum vantar krydd í kynlífið.

Hversdagsleikinn með sinni rútínu og barnauppeldi er til þess fallinn að kæfa erótíska strauma og klúrt tal. Þegar talað er um að „krydda kynlífið“ koma kynlífstæki upp í hugann á mörgum eða að prófa nýjar stellingar en hvernig er hægt að koma slíku við þegar fólk varla kyssist?

Nánir vinir eru gjarnan spurðir hversu oft þeir stundi kynlíf með sínum mökum svo einhverjar tölur sé hægt að styðjast við. Því miður er það þannig að tölfræði eins pars dugar öðru skammt. Eina tölfræðin sem skiptir máli í kynlífi er sú sem þið tvö komið ykkur saman um, hvort sem það sé einu sinni í viku eða þrisvar.

Natalía Ósk og Jón Gestur lögðu af stað í tíu daga kynlífsátak með temmilega mikla bjartsýni í farteskinu."

Meira má lesa um kynlífsdagbók þeirra Jóns og Natalíu í fyrsta tölublaði Glamour. Hægt er að verða sér úti um áskrift hér.