Stuðningsmenn Clarkson orðnir 350.000

Strax og fréttist af brottvikningu Jeremy Clarkson úr Top Gear þáttunum í gær var stofnuð stuðningssíða þar sem biðlað er til BBC sjónvarpsstöðvarinnar að víkja honum ekki úr starfi.

Ekki virðist vanta stuðningsmennina til handa þáttastjórnandanum kjaftfora því núna hafi 350.000 manns skrifað sig á stuðningslistann.

BBC tilkynnti samhliða fréttunum af brottvikningu Clarkson að næsti þáttur Top Gear sem sýna átti nk. sunnudag yrði ekki sýndur og nú herma síðustu fréttir að allir 3 þættirnir sem eftir voru af þessari tuttugustu og annari seríu verði felldir niður.

Það eru margir ósáttir við og vilja meina að þessi uppákoma eigi ekki að bitna á áhorfendum. Því er einnig biðlað til BBC að sýna þættina, hvernig sem málið með Clarkson fer.