David Attenborough lýsir bardaga Gunnars Nelson og Zak Cummings

„Þetta er lipurð á móti krafti,“ segir David Attenborough um Gunnar Nelson, í myndbandi sem fjölmiðlamaðurinn Atli Fannar Bjarkason birti á Facebook-síðu sinni. Atli hefur klippt saman frægar lýsingar Attenborough á rándýrum á veiðum, saman við bardaga Gunnars Nelson.

Í nýjasta myndbandi Atla eru lýsingar Attenborough á hvíthákarli að veiða sel samtvinnaðar bardaga Gunnars og Zak Cummings. Tímasetningarnar passa fullkomlega og verður útkoman nokkuð ljóðræn eins og má sjá hér að neðan.

Post by Atli Fannar Bjarkason.

Atli hefur áður klippt saman lýsingar Attenborough á veiðum rándýra á bráðum sínum og bardaga Gunnars. Í mars birti Atli Fannar myndband með bardaga Gunnars og Omar Akhemdov og mátti heyra Attenborugh lýsa því þegar slanga veiddi mús. Það myndband fékk mjög góðar undirtektir.
Tæplega tvö þúsund manns smelltu á 'Like-takkann“ við myndbandið og 417 manns deildu því og nokkrar vefsíður helgaðar blönduðum bardagaíþróttum birtu myndbandið.

Post by Atli Fannar Bjarkason.