Bílar

Gæði Hyundai skila fyrsta sæti í gæðakönnun J.D. Power

Finnur Thorlacius skrifar
Góður árangur hjá Hyundai í gæðakönnun J.D. Power.
Góður árangur hjá Hyundai í gæðakönnun J.D. Power.
Hyundai rataði í fyrsta sæti gæðakönnunar J.D. Powers í síðustu viku en árangurinn þykir einstaklega góður hjá Hyundai þar sem Hyundai Accent var í efsta sæti í flokki lítilla bíla, Hyundai Elantra (i30 á Íslandi) var efstur í millistærðarflokki og Hyundai Genesis var efstur í lúxusbílaflokki. 

Þá náði Hyundai framúrskarandi árangri með lágri bilanatíðni en þar voru efst á blaði Porsche, Jaguar, Lexus, Hyundai og Toyota. Restina ráku bílar frá Fiat, Jeep, Mitsubishi, Scion (í eigu Toyota) og Mazda. J.D. Power gæðakönnunin byggir ekki eingöngu á gögnum um bilanir í bílum heldur nær könnunin einnig til tæknibúnaðar og hvernig umgengni við hann er.

Margir nýir bílar eiga erfitt með að ná góðum árangri vegna flókinnar hönnunar og fer vandamálið vaxandi eftir því sem aukabúnaður eykst í bílum. Hyundai kemst vel frá þessu vandamáli enda hefur framleiðandinn lagt mikla áherslu á notendavænt umhverfi bílanna sem hefur orðið til þess að upplifun eigenda á raunverulegum gæðum verður meiri og betri.

Mest lesið




×

Mest lesið