Ekki hægt að selja Messi

Josep Maria Bartomeu, forseti Barcelona, sagði á blaðamannafundi í dag að það kæmi aldrei til greina að selja Lionel Messi.

„Eftir því sem ég best veit þá vill Messi ekki fara. Við gáfum honum nýjan samning fyrir ekki svo löngu síðan og hann er mjög ánægður,“ sagði forsetinn.

Bartomeu sagði enn fremur að Messi væri í aðalhlutverki í framtíðaráætlunum liðsins en bætti við að óvíst væri hvort miðjumaðurinn Xavi yrði áfram í herbúðum félagsins.

„Hann hefur unnið sér það inn að hann má gera það sem hann vill. Við munum virða hans ákvörðun. Hann kemur aftur til félagsins einn daginn því það býr frábæri þjálfari í honum.“