"Ég held ég hefði manað mig uppí að bjóða þér upp“

Hin ellefu ára Elva María Birgisdóttir söng lagið Álfar í undanúrslitum Ísland Got Talent í gærkvöldi.

Flutningur Elvu Maríu á þessum ástsæla lagi vakti mikla lukku meðal dómaranna fjögurra, en Jón Jónsson var sérstaklega hrifinn.

„Mér fannst þetta bara glæsilegur flutningur á frábæru lagi,“ sagði Jón sem trúði varla að Elva María gæti sungið svona vel, verandi aðeins ellefu ára gömul.

„Þegar ég var ellefu ára var ég að mana mig uppí að bjóða einhverjum upp í vangadans. Ég held ég hefði manað mig uppí að bjóða þér upp, þú ert það glæsileg,“ bætti Jón við.

Elva María komst áfram í úrslitaþáttinn sem verður sýndur í beinni útsendingu á Stöð 2 þann 27. apríl.