Fjör á Íbísafirði

Það var mikið líf og fjör á Mýrarboltanum á Ísafirði um verslunarmannahelgina. Fjöldi þekktra einstaklinga tóku þátt í hátíðarhöldunum og má þar nefna Hörð Sveinsson ljósmyndara, Jón Jósep Snæbjörnsson sem kenndur er við hljómsveitina Í svörtum fötum, rapparann Sesar A, Maríu Rut Kristinsdóttur, formann Stúdentaráðs HÍ, fyrirsætuna Elmar Johnson og Völu Grand og Ágúst Bent Sigbertsson. Retro Stefson var á meðal þeirra sem fram komu á Ísafirði og fengu mannskapinn til að dansa linnulaust í níutíu mínútur.