Rafbíll hollenskra stúdenta 2,15 sek. í 100

Örfáir ofurbílar komast á 100 kílómetra hraða á klukkustund á innan við 3 sekúndum. Stúdentunum í Delft University og Technology er líklega alveg sama um það, en bíll þeirra mældist fyrir stuttu ná þeim hraða á 2,15 sekúndum. Með því er hann sneggsti rafmagnsbíll heims og reyndar er enginn fjöldaframleiddur bíll af nokkurri gerð sneggri.

Ariel Atom er 2,3 sekúndur í hundraðið og Bugatti Veyron með sín 1.000 hestöfl kemst ekki nálægt tíma rafmagnsbílsins hollenska. Gamla heimsmet rafmagnsbíls var 2,68 sekúndur og því var það rækilega slegið nú.

En hvernig er þessi bíll útbúinn? Hann er með 4 rafmótora sem samtals skila 135 hestöflum sem send eru til allra hjólanna. Bíllinn vegur aðeins 145 kíló og því eru hestöflin næstum jafn mörg og kílóin. Hvorki Ariel Atom né Bugatti Veyron búa að svo góðu hlutfalli.

Þó þessi smái bíll sé sneggri en nokkur fjöldaframleiddur bíll eru ýmsir keppnisbílar fljótari, en þeir eru aðeins framleiddir í einu eða örfáum eintökum og yfirleitt ekki til sölu til almennings. Sjá má rafbílinn hollenska taka sprettinn í meðfylgjandi myndskeiði.