Íslandsdeild Evrópusambandsins lögð niður

Þorfinnur Ómarsson, fjölmiðlamaður í Brussel, spjallaði við Harmageddon í morgun. Þar greindi hann frá nýjustu fregnum úr stækkunardeild Evrópusambandsins, en þar var verið að ákveða að svokölluð Íslandsdeild (e. Iceland Unit) skyldi lögð niður.

Í deildinni sem skipuð var árið 2009 voru um það bil tólf embættismenn sem fjölluðu eingöngu um málefni Íslands en frá og með næstu mánaðarmótum verður hún lög niður og mun Ísland þá fara undir deild sem heyrir undir Svartfjallaland.



„Þannig að þetta verður svona minniháttar, neðanmáls mál hjá þeim,“ sagði Þorfinnur en bætti því við að þetta væri auðvitað það sem við væri að búast miðað við stefnu íslenskra stjórnvalda í þessum málum.



Hægt er að hlusta á allt viðtalið við Þorfinn hér að ofan.