SVFR leitar að mönnum til nefndarstarfa

Stjórn SVFR óskar eftir mannskap í árnefnd Dunkár á Skógarströnd. Einnig er auglýst eftir samhentum hóp til starfa í skemmtinefnd félagsins.

Dunká er nýtt ársvæði innan vébanda Stangaveiðifélags Reykjavíkur. Hún fellur til sjávar á innanverðri Skógarströnd í Dalasýslu. Hún á upptök þar í fjöllunum og er 11 km löng, þar af eru 4,5 km fiskgengir eða upp að Hestfossi. Á fjórða tug merkta veiðistaða eru í Dunká.

Skemmtinefnd SVFR ætti að vera flestum að góðu kunn. Meðal verkefna nefndarinnar er umsjón skemmtikvölda félagsins sem haldin eru fyrsta föstudag hvers mánaðar.

Hefð er fyrir því að skemmtinefndin, svo og árnefnd fyrir tveggja stanga ársvæði líkt og Dunká, sé skipuð fjórum einstaklingum. Áhugasamir geta skilað inn umsóknum á póstfangið svfr@svfr.is.

Birt með góðfúslegu leyfi SVFR