Blanda komin í 1100 laxa

Blanda er ein af fáum ám landsins sem hefur verið á nokkuð góðu róli í sumar, hún hefur ekki náð sömu hæðum og undanfarin tvö sumur en er nú komin í 1100 laxa og er hlutfall stórlaxa hátt eins og vanalega.

Staðan í Blöndulóni er einnig mun betri en menn þorðu að vona, um mánaðmótin apríl/maí rann mjög hratt í lónið en hefur innrennsli temprast mjög og í augnablikinu rennur meira úr lóninu en í það. Áin er þó með allra tærasta móti og hentar mjög vel til fluguveiða.

Birt með góðfúslegu leyfi Lax-Á