9 laxar á land í Hítará

Hollið sem er við veiðar á aðalsvæði Hítarár þessa stundina er komið með 9 laxa á stangirnar fjórar. Allir eru þeir teknir í heimahyljunum.

Það er draumavatn í Hítará líkt og mörgum öðrum veiðiám á Vesturlandi þessa dagana.

Allir eru laxarnir teknir í Kverk og á Breiðinni en að sögn veiðimanna þá virðist sem að mikil ferð sé á laxinum. Hann stoppar neðan við Brúarfoss, en eftir það virðist hann á bak og burt, og gefur það til kynna að veiðifrétta sé að vænta af svæðinu Hítará II.

Allir laxarnir sem veiðst hafa í hollinu eru smálaxar.

Birt með góðfúslegu leyfi SVFR