Ein öflugasta flugan í göngulax

Núna þegar laxinn er farinn að hellast í árnar er ágætt að taka fyrir eina gamla og góða flugu sem hefur reynst mönnum afskaplega vel við veiðar snemma á tímabilinu. Það er Collie Dog. Þessi fluga hefur verið mikið notuð hér á landi en notkun hennar þó minnkað mikið eftir að túbuvæðingin ýtti henni aðeins til hliðar.

Eins og sést á myndinni svipar Sunray Shadow mikið til Collie Dog, en það er einmitt Sunray sem menn eru farnir að nota mikið í stað gömlu góðu flugunar. Hún er einföld í hnýtingu og afskaplega veiðin. Mest er hún notuð á flotlínu og þá gjarnan "strippað" inn nokkuð hratt, en það fer þó eftir hraða vatnsins hversu hratt hún er dregin inn. Þeim meiri hraði sem er á ánni, því minna þarftu að draga inn, það er meginreglan.

Við hvetjum ykkur sem hafið aldrei hnýtt hana undir að prófa hana og láta það koma ykkur skemmtilega á óvart hvað laxinn getur nelgt hana af mikilli heift.

Góða veiði