Fólk um haust: Ljósmyndasamkeppni Fréttablaðsins

Prýðir þín mynd forsíðuna um helgina?

Taktu þátt í ljósmyndasamkeppni Fréttablaðsins og þú átt möguleika á því að komast á forsíðu næsta helgarblaðs og vinna glæsileg verðlaun. Þema myndarinnar er „Fólk um haust".

Besta myndin verður á forsíðu helgarblaðs Fréttablaðsins næstkomandi laugardag, 9. október.

Verðlaun fyrir bestu myndina er gjafabréf fyrir tvo frá Iceland Express til einhvers af áfangastöðum í Evrópu. Verðlaun fyrir annað og þriðja sæti eru gjafakort frá Þjóðleikhúsinu fyrir tvo á almenna sýningu.

Tilkynnt verður um val forsíðumyndarinnar um miðjan dag á föstudag.

Reglur

• Samkeppnin stendur frá morgni 7. október til klukkan tólf á hádegi þann 8. október.
• Hver þátttakandi má bara senda eina mynd inn.
• Óheimilt er að senda inn eða eigna sér ljósmyndir sem eru teknar af öðrum en sendanda.
• Myndirnar skulu hafa verið teknar nú í haust.
• Þann 8. október á hádegi tekur dómnefnd til starfa og hefur frest til kl. 15 sama dag til að úrskurða um bestu myndina.
• Áskilinn er réttur til að hafna hvaða mynd sem er og til að breyta fyrirsögn og myndatexta í birtingu hennar, jafnframt er áskilinn réttur til birtingar myndar á forsíðu blaðsins.
• Innsendar myndir eru eign höfunda, en Fréttablaðinu og Vísir.is er heimilt að birta þær í tengslum við keppnina og í kjölfar hennar svo fremi sem höfundarnafn sé tiltekið.
• Tekið er við myndum á netfangið ljosmyndasamkeppni@frettabladid.is og skulu þær vera í nægilegri upplausn til að birta í blaðinu.
• Myndinni þarf að fylgja nafn höfundar og upplýsingar um heimilisfang, netfang og símanúmer.