Dýrmætt sigurmark en dýrkeyptur fögnuður

Juan Angel Albin tryggði Getafe 1-0 sigur á Villarreal í spænsku úrvalsdeildinni í fótbolta í gær en markið skoraði hann á 90. mínútu leiksins og tryggði sínu liði þar sem þriðja sigurinn í röð.

Albin fékk þó ekki að klára leikinn því hann fékk sitt annað gula spjaldið fyrir að fagna markinu og Getafe endaði því leikinn með níu menn inn á vellinum.

Getafe hafði leikið manni færri frá 41. mínútu leiksins þegar Cata Diaz var rekinn útaf fyrir að brjóta á Nilmar. Villarreal er í þriðja sæti deildarinnar og því sigurinn enn meira afrek fyrir Getafe.

Sergio Aguero skoraði bæði mörk Atletico Madrid í 2-0 sigri á Deportivo La Coruna og Pablo Piatti skoraði tvennu í óvæntum 3-1 sigri

Almeria á Sevilla en Sevilla-menn hafa nú tapað fjórum leikjum í röð og mæta næst Real Madrid.