Reiknar með að skrifa undir á næstu dögum

Þjálfarinn Valur Ingimundarson segist vongóður um að geta skrifað undir samning við körfuknattleiksdeild Njarðvíkur á næstu dögum.

Valur lýsti því yfir í samtali við Vísi í gær að "það kitlaði" að taka við gamla liðinu sínu eftir nokkurt hlé frá körfuboltanum, en hann hefur átt í viðræðum við forráðamenn Njarðvíkur undanfarið.

Í samtali við Vísi í dag sagði Valur ágætar líkur á að hann taki við þjálfun Njarðvíkurliðsins og svo gæti farið að hann skrifaði undir samning á næstu dögum.