Jóhann Árni til Þýskalands

Jóhann Árni Ólafsson úr Njarðvík hefur gert eins árs samning við þýska Pro B-deildarliðið Proveu Merlins. Þetta kemur fram á karfan.is í dag.

Merlins leikur í þriðju efstu deild í Þýskalandi og til stendur að Jóhann mæti í æfingabúðir liðsins þann 18. ágúst nk. Deildin hefst í október og stendur fram í lok apríl.

Í samtali við karfan.is segir Jón að hér sé um langþráðan draum að ræða þar sem hann hafi alltaf langað að reyna fyrir sér í atvinnumennsku.

Jóhann er 22 ára gamall og hefur verið lykilmaður í liði Njarðvíkur. Þetta er því talsverð blóðtaka fyrir liðið, sem hefur einnig þurft að horfa á eftir Herði Vilhjálmssyni, Agli Jónassyni og Brenton Birmingham úr sínum herbúðum.