Veislan hefst í kvöld

Úrslitakeppni NBA-deilarinnar hefst í kvöld með fjórum leikjum í sextán liða úrslitum. Menn spá mikið í hvaða lið komist alla leið og hvaða lið eigi eftir að koma á óvart og eru margir á því að Detroit og San Antonio muni leika til úrslita líkt og í fyrra.

Í kvöld leika Chicago Bulls við Miami Heat, Denver Nuggets við LA Clippers, Sacramento Kings við San Antonio Spurs og Washington Wizards við Cleveland Cavaliers en sá leikur verður í beinni útsendingu á Sýn og hefst útsendingin kl. 22. Einnig má fylgjast gjörla með úrslitakeppninni á NBA-TV á Digital Ísland.