Kvikmyndahátíð sett í kvöld

Alþjóðleg kvikmyndahátíð verður sett formlega í Háskólabíói í kvöld og verður opnunarmynd hátíðarinnar Motorcycle Diaries eftir Brasilíumanninn Walter Salles, en hann er kominn sérstaklega til landsins til að vera viðstaddur sýninguna. Myndin var tilnefnd til þrennra Óskarsverðlauna í ár og hlaut verðlaun fyrir bestu tónlistina.

Mikil kvikmyndaveisla verður svo næstu þrjár vikur í Háskólabíói og Regnboganum og meðal mynda sem verða sýndar eru Hotel Rwanda, Vera Drake, Maria Full of Grace og Hole in My Heart sem er eftir Lucas Moodisson sem gerði myndina Lilya Forever.